ભારતના ખેડૂત અને કૃષિ નિષ્ણાત સુભાષ પાલેકર દ્વારા ઝીરો બજેટ ફાર્મિંગની શરૂઆત કરવામાં આવી હતી. તેમણે 'ઝીરો બજેટ નેચરલ એગ્રીકલ્ચર ' પર અનેક પુસ્તકો પણ લખ્યા છે . વર્ષ 2016માં તેમને પદ્મશ્રી એવોર્ડથી નવાજવામાં આવ્યા હતા. તેમણે દેશી ગાયના છાણ અને ગૌમૂત્રને ભેળવીને અનેક પ્રકારના કુદરતી ખાતરો બનાવ્યા છે. તો ચાલો ઝીરો બજેટ કુદરતી ખેતીના કેટલાક ફાયદાઓ પર એક નજર કરીએ.

• ખેડૂતોને જંતુનાશકો અને રાસાયણિક ખાતર ખરીદવાની જરૂર નથી.

• તેનાથી ખેડૂતોનો ખર્ચ ઓછો થાય છે.

• રાસાયણિક ખાતરોના ઉપયોગથી શરૂઆતમાં પાકની ઉપજમાં વધારો થાય છે, પરંતુ થોડા સમય પછી જમીનમાં નાઈટ્રોજનનું સ્તર ઘટી જાય છે અને પાકની ઉપજ ઘટે છે.

• ઝીરો બજેટ ફાર્મિંગ પાણી અને વીજળીના ખર્ચમાં પણ ઘટાડો કરે છે.

• એક ગાયના છાણ અને મૂત્રમાંથી લગભગ 30 એકર જમીન માટે જીવામૃત તૈયાર કરી શકાય છે.